E parti aki di nos site ta kontené informashon tokante tur loke biblioteka tin pa ofresébo. Lesa mas tokante nos sekshon pa Hóben i Adulto, nos sala di estudio i nos sekshon Antilliana/ Caribiana, kaminda bo por akudí pa tur informashon tokante temanan relatá na Kòrsou, Antia i Karibe. Den e rúbrika aki lo bo haña tambe nos kalènder di aktividat pa hóbennan i adulto. No lubidá di chèk kiko bùs di buki tin pa ofresé i kòrda konsultá nos sekshon Kon pa buska den nos katálogo!

Sekshon pa Hóben i Adulto ta situá den biblioteka sentral.
E kolekshon ta konsistí di:

Buki
Nos tin tantu buki informativo komo buki rekreativo, na papiamentu, ulandes, ingles, spañó i franses. Nos tin un kolekshon Antilliana ku novela i tópiko relashoná ku Antia. Tin buki tambe tokante salú, edukashon di mucha, astrologia, diferente pais, negoshi i hopi mas.

Material oudiovisual

• Kurso di idioma
  Si bo ke siña un otro idioma, pasa na e bali di informashon den nos sekshon. Nos ta ofresébo un kolekshon di vários kurso di idioma. Kiko bo ta pensa di: ingles, spañó, franses, ruso òf chines? Tambe tin papiamentu i ulandes pa personanan di otro abla.
• Vidio
  Nos tin vidio informativo i rekreativo ku bo por fia pa disfrutá di dje na kas. Promé ku bo bai ku esakinan kas, bo por wak nan na nos bali di informashon.
• CD ROM
  Tin un kolekshon chikí ku bo por konsultá den biblioteka

Ademas...plenchi di kòmpiuter
Aki bo por sùrf riba Internèt, manda e-mail òf taip un teksto. Tur esaki ta grátis! Pa un suma chikí bo por prent i tur mèrdia for di 2or te ku 5’or tin un studiante pa guiabo riba kòmpiuter i Internet.

Nos ta disponé tambe di un aparato pa saka kopia, den kaso ku bo no por òf ke bai ku sierto material.

Bali di informashon
Na nos bali di informashon nos por yudabo buska buki òf buska informashon ku bo mester pa proyektonan di trabou òf pa interes personal. Tambe bo por haña material pa konsulta rápido manera entre otro dikshonario i ensiklopedia.
Pidi ayudo, nos tei pa guiabo!

NOS TA SPERA BO DEN SEKSHON PA HOBEN I ADULTO!

Resúmen Sekshon Hóben i Adulto
Lugá : biblioteka sentral na Skalo
Orario : klek aki
Material : buki, kurso di idioma, i vidio
Ademas... : saka kopia, sùrf riba Internèt, i bali di informashon
Bira miembro : klek aki
Tarifa i preis : klek aki
Reglamento : klek aki