Informashon
Bo a yega di mira nos Bùs di buki kaba den bario? Nos Bùs di buki aktualmente ta bishitá 35 bario durante 6 dia pa siman i ta para mayoria bes dilanti di un sentro di bario òf skol. Bùs di buki ta bishitá kada bario programá kada 3 (tres) siman. E ta un mini-biblioteka sku ta ofresé buki i revista pa hende grandi i mucha. Pues henter famia por bira miembro. Pa inskribí mucha bou di 14 aña sí mester tin un hende grandi aserka ku identifikashon. Hóbennan for di 14 aña i tur otro hende grandi por inskribí nan mes basta bin ku sédula, reibeweis òf pasaporte bálido.

Nota riba bo kalènder ki dia e Bùs ta bishitá bo bario, pasó si bo no alkans’é, bo tin ku warda 3 siman i e ora ei bo tin ku paga f0,25 di but pa kada buki ku ta lat. Tambe bo por entregá nan na nos biblioteka sentral òf na otro parada. Si bo no a kaba ku e bukinan ainda, bo por bin ku nan den Bùs pa prolongá nan. Si niun hende no a reservá nan, por prolongá nan.
Kòrda ku bo por saka kopia tambe den e bùs bèrdè. Esaki ta kosta solamente 20 sèn pa página.
Anto no lubidá ku bo por fia diferente revista tambe riba e 2 bùsnan.

Number di kontakto