Esaki ta un selekshon di e revistanan optenibel riba nos bùsnan di buki.

	Donald duck ta sali semanalmente na ulandes, konteniendo diferente strep di Donald Duck, Mickey, Goofy i Katrien. Pa mucha for di 6 aña p’ariba.
	Fancy ta sali kada 2 siman na ulandes: spesial pa mucha muhé hóben for di 13 aña p’ariba, tokante moda, amor, problema di hubentut, bida di artista, pregunta i kontesta.
	Girlz ta sali mensualmente na ulandes: spesial pa mucha muhé hóben for di 14 aña p’ariba tokante moda, amor, problema di hubentut, ta kontené karta di hóbennan ku tin problema.
	Hitkrant ta sali semanalmente na ulandes: pa hóben di 14 aña p’ariba ku gusta müzik, ku pòtrèt di artista i modelo. Ta kontené tambe karta di hóbennan ku tin problema.
	National geographic junior ta sali mensualmente na ulandes: ku informashon i pòtrèt di bestia i naturalesa pero tambe ku otro informashon, chiste, pòtrèt humorístiko, strep i kwes. Por uza e revista pa dibertí, informá i tambe pa “spreekbeurt”; pa mucha for di 9 aña p’ariba.
	Tina ta sali semanalmente na ulandes, spesial pa mucha muhé hóben for di 10 aña p’ariba, ku diferente notisia kòrtiku tokante moda, artista; ta kontené tambe strep i teps pa obra di man.
	Tu ta sali mensualmente na spañó spesial pa mucha muhé hóben for di 13 aña p’ariba tokante moda, amor, problema di hubentut, ta kontené karta di hóbennan ku tin problema.
	Yes ta sali mensualmente na ulandes spesial pa mucha muhé hóben i muhé adulto for di 17 aña p’ariba tokante moda, amor, dieta, ehersisio, seksualidat , problema di hubentut, ta kontené karta di hóbennan ku tin problema.
Revista pa Adulto
	Avondlectuur ta sali kada 2 siman na ulandes i ta kontené un novela romántiko i amoroso den kada edishon.
	Black hair; sophisticate’s black hair styles and care guide; ta sali mensualmente na ingles ku tur sorto di estilo di kabei i peinado.
	Buenhogar ta sali mensualmente na spañó. E ta un tradukshon di “Good housekeeping” i ta kontené artíkulo tokante alimentashon, dieta, moda, dekorashon di kas, edukashon i tambe tokante bida di artista. Además e ta kontené reseta di kuminda.
	Delicious ta sali mensualmente na ulandes ku resetanan di kuminda internashonal. El a bin na lugá di Tip hét kookblad . Rekomendabel pa e kòki na kas pero tambe pa tur ku ke purba algo diferente. Ku pòtrèt na koló.
	Focus Caribbean ; revista na ingles tokante moda, salú, ku entrevista i pòtrèt di prinsipalmente hende konosí na Kòrsou i Aruba.
	Gezond nu ta sali mensualmente na ulandes i ta duna informashon prinsipalmente tokante salú natural i prevenshon di malesa.
	101 woonideeën ta sali mensualmente na ulandes i ta duna idea pa reparashon, remodelashon i dekorashon di kas. Spesial pa e “handy man” i tur ku ta interesá pa hasi nan kas bunita.
	Ideas ta sali mensualmente na spañó. Ta kontené idea pa obra di man i dekorashon di kas. Ta dirigí su mes riba dekorashon i kosnan spesial pa tur tipo di fiesta i epoka. Tambe ta duna idea di aktividat di obra di man ku mucha.
	Libelle ta sali semanalmente na ulandes i ta dirigí prinispalmente riba hende muhé ku informashon tokante moda, problema di bida diario, reseta di kuminda.
	Men’s Health ta sali mensualmente na spañó, spesialmente pa hende hòmber, tokante salú, fitness, nutrishon i seksualidat.
	Muy interesante; revista na spañó tokante diferente tópiko interesante di deskubrimentu, historia, naturalesa i mas.
	Mijn geheim ta sali semanalmente na ulandes ku diferente konfeshon i relato sekreto riba tereno di relashon i susesonan den bida diario di hende.
	On Top magazine revista na papiamentu tokante moda, farandula, salú ; tambe ku entrevista i pòtrèt di hende konosí na Kòrsou .
	Ouders van nu ta sali mensualmente na ulandes. Ta trata tokante edukashon di bebi i mucha chikí ku hopi teps pa mayornan.
	Quest; braintainment; ta sali mensualmente na ulandes i ta duna informashon kòrtiku í amplio tokante tur sorto di tópiko basá riba investigashon sientífiko-popular. Ta rekomendabel pa hóben tambe lesa. Ku hopi pòtrèt na koló.
	Support ta sali 4 x pa aña na ulandes. Support ta editá na Kòrsou mes. Ta duna informashon tokante kuido di salú, kurashon i prevenshon natural i alternativo. Ku pòtrèt na koló.
	Vanidades ta sali mensualmente na spañó. Ta relatá bida di artista i personahenan di kas real. Tambe informashon tokante moda, beyesa i reseta di kuminda. Ku pòtrèt na koló.