Informashon
Antilliana-Caribiana ta un biblioteka kresiente riba su mes. Un biblioteka den un biblioteka. E ta situá riba e promé piso di biblioteka sentral. Akinan bo no mester ta miembro pa konsultá e material disponibel.
Antilliana-Caribiana ta trata di kolekshoná material riba e siguiente tereno:

• Tur loke sali publiká na Antia i Aruba òf keda produsí tokante Antia i Aruba
• Tur loke un Antiano / Arubiano publiká
• Tur loke ta trata di un Antiano / Arubiano
• Publikashon karibense pa investigashon profundo

Por konsiderá e kolekshon Antiano komo nos kolekshon nashonal.
Ku e interes kresiente di residente i no-residente di Antia den e desaroyo kultural, históriko, sosio-ekonómiko i polítiko di komunidat Karibense, un oumento di e kolekshon Karibense tabata inevitabel.

Kiko bo por haña den Antilliana-Caribiana?

• Buki di outornan antiano
• Buki pa konsultá tokante Antia i Karibe
• Revista antiano i karibense
• Un kolekshon úniko di mapa históriko i geográfiko, bieu i nobo
• Biografia di personahenan importante den nos komunidat
• Dokumentashon tokante vários tópiko antiano
• Tésis i “tesis doktoral” di vários yu di tera
• Rapòrtnan importante tokante Kòrsou i Antia
• Dokumentashon literario tokante outornan antiano, arubiano i karibense tokante nan bida i obra.

Por konsultá e kolekshon di Antilliana-Caribiana únikamente na biblioteka, den e departamento aki mes. Por saka kopia den e sekshon mes i ariba tin un espasio pa studia. Sinembargo tin algun buki di e kolekshon aki ku por fia den sekshon pa Hóben i Adulto i Sekshon Hubenil.
Na nos bali di informashon nos ta buska tur loke bo tin mester pa traha bo charla pa skol, bo “leesdossier” òf bo tésis final. Kòrda akudí semper na tempu pa bo por haña e informashon ku bo ta buska i terminá loke bo tin ku traha na tempu.

Resúmen Antilliana/ Caribiana
Lugá : promé piso biblioteka sentral na Skalo
Orario :
Djaluna 2`or pm pa 5`or pa 5`or pm.
Djamars te ku djabièrne 12.30 pm pa 7`or pm.
Djasabra 9.30 am pa 1`or pm

Material : buki pa konsulta, map di dokumentashon, map di biografia, tésis i
tesis doktoral, revista, mapa i dokumentashon literario
Ademas... : bali di informashon, saka kopia i espasio pa studia