Sala di korant
E sala di korant ta situá na e entrada parti patras di biblioteka. Un sala espasioso, kaminda bo por sinta lesa matutino riba e mes dia ku nan sali i tur vespertino e mainta despues ku nan sali. Ku e prohibishon pa bai ku e korantnan, nos ke purba duna tur hende ku ke hasi uzo di e sala di korant, un chèns pa lesa esaki nan.

Buzon di keho i sugerensia
E buzon di keho i sugerensia, situá nèt dilanti di e pilar na entrada banda di e trapi, tin komo meta pa inventarisá i konsiderá boso sugerensianan i prosesá boso kehonan. Sea bo entregá un sugerensia òf un keho, nos lo reakshoná riba esaki semper. Bo no ta obligá na yena bo datonan den niun di dos kaso. Riba e buzon tin un prekbòrt, kaminda nos lo lista tur e keho i sugerensianan anónimo, ya bo por mira kiko a pasa ku bo keho òf sugerensia. Den kaso ku bo permití nos drenta den kontakto ku bo yenando bo datonan, nos lo hasi esaki denter di dos dia di trabou pa konfirmá ku nos a risibí bo keho òf sugerensia, i splikabo kiko ta bai pasa kuné. Si ta trata di un keho, lo bo haña e reakshon final riba esaki denter di dos siman despues ku bo a entreg’é.
No lubidá ku bo por aserká nos ku un keho òf sugerensia via di publiclibrary@onenet.an tambe!

Depósito pa buki
Nos buzon di buki, situá na entrada prinsipal di biblioteka sentral Skalo, ta ideal pa si bo a lubidá di trese bo bukinan òf pa si bo no ta bai alkansá trese nan durante e oranan ku nos ta habrí. Bo por depositá esakinan 24 ora den e buzon di buki, ku ta ser kontrolá tur dia, tambe si bo ta lat ku entrega di esakinan i bo no ke tarda mas pa entregá nan. E but lo ser deskontá e siguiente biaha ku bo bin fia buki.

Snèkbar
Nos snèkbar ta habrí:
Djaluna 13.00 – 17.00
Djamars te ku djabièrnè 9.00 – 17.00
Djasabra será
Bo por kumpra pastechi, djònikek, empaná, krokèt, limonada, djus, malta, chips, buskuchi i algun snup.