E sala di estudio ta keda riba promé piso di Biblioteka Sentral na Skalo. Aki den tur persona di 14 aña p’ariba por bin sinta studia i lesa den un ambiente trankil, kaminda por konsentrá mas mihó. Nos a logra esaki, dor di hasi posibel pa studia den grupo den otro departamento so i dor di prohibí uso di selular den e sala.

Den sala di estudio nos tin kòmpiuter ku bo por hasi uzo di dje pa:

• taipmentu di teksto
• buska informashon via di CD-Rom

Den sala di estudio tin tambe un kantidat grandi di dikshonario, ensiklopedia i otro buki di konsulta, buki di adrès, atlas, i un kolekshon chikitu di CD-Rom. E materialnan aki ta pa konsulta so.
Tambe e sala di estudio ta konosí pa su dokumentashon tokante un kantidat variá di tópiko.

Pa konsulta di sierto material ta pidi un identifikashon válido. Esaki ta pa prevení ku nos ta pèrdè material di balor.
E kolekshon di konsulta ta prinsipalmente na ulandes i ingles, i un kantidat limitá na papiamentu i spañó.
Bin konsultá nos CD-Rom tokante profeshon, pa bo por hasi un eskoho pa posibilidatnan di studiamentu na Ulanda. Konsultá tambe otro fuentenan si bo ke sa tokante posibilidat di estudio na Merka.
Ademas den sala di estudio bo por sinta lesa revista popular i sientífiko, manera: Buen Hogar, Discover, Elsevier, Gezondheid, Ideas, Libelle, Margriet, People, PC World, Newsweek, Vrij Nederland, Time, Vogue Voetbal International, Unesco Nieuws, Vanidades i hopi otro mas na diferente idioma. Tin hopi revista spesialisá tambe.
Bo por akudí semper na e bali di informashon den nos sala di estudio, nos ta pará semper kla pa yudabo.

Biblioteka Públiko ta un lugá netamente públiko i aksesibel, den tur sentido di palabra, kaminda un i tur ta bon biní pa amplia konosementu i rekreá. Pa e motibu aki NO MESTER TA MIEMBRO PA HASI UZO DI NOS SALA DI ESTUDIO!

Resúmen Sala di estudio
Lugá : promé piso di biblioteka sentral na Skalo
Orario : klek aki
Material : un kantidat amplio i sumamente variá di material pa konsulta manera
ensiklopedia, dikshonario, buki di adrès, atlas, CD-Rom i ademas korant
i revista popular i sientífiko
Ademas... : por saka kopia
Tarifa i preis : klek aki
Reglamento : klek aki