Pa motibu ku nos supsidio no ta sufisientepa hasi nos trabou, nos ta kontentu ku nos ta haña yudansa di empresa i otro organisashonnan ku ta konsiente di e echo ku un bon biblioteka públiko ta indispensabel den un komunidat modèrno. Tin tambe un Fundashon Amigunan di Biblioteka.

Spònsernan ku ta mira e balor di un biblioteka públiko i ku a konfirmá esaki di un òf otro forma ta e siguientenan:

SPONSERNAN DEN 2005

• UTS
  Pa mas ku 8 aña kaba poniendo konekshon ku Internèt gratuitamente na disposishon di tur nos klientenan.
• Prins Bernhard Fonds
  Prins Bernhard Fonds a kontribuí pa por kumpra revista pa nos bùsnan di buki.
• Ennia Caribe Zorg
  Tambe a kontribuí ku sèn pa hasi kompra di revista pa nos bùsnan di buki posibel.
• Fundashon Paps Capriles
  Danki na Fundashon Paps Capriles nos lo por laga tradusí 48 buki di prenchi den 2005.
• RBTT
  RBTT a yuda nos ku sèn pa kumpra buki nobo pa e bùsnan di buki.
• American Women’s Club
  E klup aki a yuda nos ku dos kòmpiuter nobo i un mega-ensiklopedia pa nos Sala di Estudio.
• DE ANTILLEN
  Ta permití nos stashoná nos bùsnan di buki grátis na su garashi.
• CURANET
  Curanet a kontribuí, hasiendo diseño di nos wèpsait nobo mas realisabel.

SPONSERNAN IMPORTANTE DI PASADO

• Rotary Club Curaçao
  Danki na e klup di servisio Rotary, nos ta disponé awe di e bùs di buki hel (2003).
• Union europeo
  Nos trèker-treiler nobo, e bùs di buki bèrdè tabata un donashon di Union europeo (2004).
• Jeugdfonds Nederlandse Antillen
  E fondo aki a yuda nos ku realisashon di e proyekto Youth Station (2003).

DANKI!