Esaki ta e página spesial pa tur nos muchanan, aki bo por haña algun tep pa charla tokante buki i charla tokante otro tópikonan. Tambe nos a resumí informashon pa yudabo buska buki mas fásil.

Charla tokante buki
Di e manera aki bo por prepará pa bo charla tokante buki.

Charla tokante otro tópiko
Pa charla ku tur tipo di tópiko, bo por bai riba e site: www.werkstuk.info i einan bo ta haña splikashon tokante kon pa prepará i tene bo charla na skol!

Informashon tokante buskamentu di buki
Pa e mucha ku no por lesa ainda tin un kolekshon presioso di buki di prenchi. Pa abo, ku a kaba kuminsá lesa tambe tin buki spesial pa yuda bo trein bo lesamentu. E bukinan aki ta indiká ku e lèternan AA.

I si ya kaba bo por lesa bastante i bo tin 7 pa 9 aña, djis bai buska den e bukinan ku tin lèter A riba nan lomba. Buki ku lèter B riba nan lomba ta pa mucha di 10 te ku 12 aña. Si bo ta un hóben di 13 aña p’ariba bo por buska buki indiká ku lèter C. Tin buki na ulandes, papiamentu, ingles i spañó.

Si bo ke sa mas tokante un sierto tópiko manera bestia, deporte, pais, avion, bo kurpa etcetera. Bo tin ku buska e bukinan indiká ku J riba nan. Nan tin tambe un number ku ta representá e tópiko.

Bo por buska tambe segun bo nivel AVI.

Aktividat nan resientemente.