Skol, studiantenan di Akademia Pedagógiko i otro instansianan sosial-edukativo por hasi uzo di Medioteka Eskolar su servisionan.

Medioteka Eskolar ta fia:

• Buki informativo i rekreativo
• Vidio i kasèt informativo i tambe seri di slaits ku meta edukativo

E bukinan ta repartí segun kategoria di edat, apliká den Biblioteka Hubenil.
Pa por hasi uzo di e servisio di Medioteka, skol i instansianan mester ta miembro di Medioteka. E miembresia ta grátis. Studiantenan di Akademia Pedagógiko mester por identifiká nan mes.

Medioteka ta konsehá skolnan tambe tokante organisashon, planifikashon i mantenshon di bibliotekanan eskolar i tokante aktividat di stimulashon di lesamentu. Tambe skolnan por fia aparato di slaits i skrin na Medioteka, pagando un bòrg di ANG 35.00 pa proyèkter i ANG 15.00 pa pantaya, ku outorisashon di kabes di skol.

Orario di apertura:
Djamars di 12.30 - 5.00 pm
Djabièrnè di 12.30 - 4.30 pm